სასადილო ზონა მისაღების ინტერიერში

ხშირ შემთხვევაში სამზარეულოს გაბარიტები არ გვაძლევს საშუალებას დავდგათ სასადილო მაგიდა სამზარეულოში, ხოლო ცალკე სასადილო ოთახი კი ზედმეტი ოცნებაა, საუკეთესო გზა ამითვის მისაღებ ოთახში დადგმაა, მისაღები ოთახი ხომ ბინაში ყველაზე დიდი ოთახია.

ჩვენი სტატიაც ამაზეა თუ როგორ მოვაწყოთ სასადილო ოთახი მისაღებში.

სასადილო ოთახი დიდ მისაღებში

ეს არა მხოლოდ მაშინ არის გამართლებული როდესაც ფართის ნაკლებობა გვაქვს, დიდი ფართის შემთხვევაში თანამედროვე ინტერიერებში იყენებენ ერთიან ზონას. უბრალოდ ერთიან სივრცეში ზონირება უნდა მოხდეს სასადილო მაგიდის ცალკე განათებით, ან დეკორატიული კედლის დადგმით.

გრძელი მისაღები

ცნობილი ფაქტია, რომ გავაფორმოთ ინტერიერი კვადრატული ფორმის სახლში ეს გაცილებით მარტივი საქმეა, ხოლო მოგრძო ფორმის ინტერიერის დროს კი ზუსტად ის გრძელი ნაწილის კუთხე შეგვიძლია გამოვიყენოთ სასადილო მაგიდისთვის.

გაერთიანებული მაგიდი როგორც ზონირების ელემენტი

თუ საუბარია სტუდიო ტიპის ბინაზე მაში გაერთიანებულმა მაგიდამ შეიძლება შეასრულოს  ზონირების ფუნქციაც,  სამზარეულოსა და მისაღებს შორის.

დიდი ჟურნალების მაგიდა

თუ ბინა იმდენად პატარაა, რომ  მცირე ზომის სასადილო მაგიდაც არ ეტევა,  მაშინ შეგვიძლია ჟურნალების მაგიდის ადგილზე ოდნავ მაღალი და დიდი ზომის მაგიდის დადგმა, სადაც მოსახერხებელი იქნება ჭამა და ექნება გაშლის ფუნქცია სტუმრების მოსვლის შემთხვევაში.

სასადილო ზონა როგორც მისაღების ელემენტი

თუ თქვენ გაქვთ მხოლოდ ერთი თავისუფალი კუთხე მისაღებში, ის შეიძლება გავაფორმოთ როგორც სასადილო ზონა:  სასადილო მაგიდა , სკამებიც და დეკორაციაც იდეალურად უნდა ერწყმებოდეს მისაღები ოთახის ინტერიერს, სტუმარს უნდა რჩებოდეს შთაბეჭდილება,  რომ ეს მაგიდა იმიტომ კი არ დგას იქ რომ მეტი ადგილი არ არის არამედ იმიტომ რომ სასადილო ზონა სწორედ აქ გქონდათ გათვლილი.