ფუტურისტული სტილის ინტერიერს შეხვდებით პროგრესული და არასტანდარტულად  მოაზროვნე ადამიანის სახლში, თვითონ ამ სიტყვას აქვს ლათინური ფესვები და ნიშნავს “მომავალს”.

მატერიალები

ორგანული მინა, სარკე, პლასტიკი, მეტალი – ხშირად გამოიყენება ფუტურისტული სტილის ინტერიერში. ასევე არ უნდა დაივიწყოთ რომ ყველა მატერიალი რასაც გამოვიყენებთ უნდა იყოს ეკოლოგიურად სუფთა.

ხეს ვიყენებთ იატაკის გაფორმებისას – პარკეტის ან ლამინატის სახით.

ფერთა გამა

ფერთა არჩევანი საკმაოდ ცოტაა ,  ვიყენებთ – კრემისფერს, ნაცრისფერს, შავ და თეთრ ტონალობებს, ხოლო აქცენტებისთვის კი შესაძლებელია გამოვიყენოთ მკვეთრი ფერები – წითელი, სტაფილოსფერი, მწვანე ან ფირუზისფერი., რომლებიც ძირითადად გვხვდება – ავეჯის დეტალებში, ნახატებში ან დეკორის სახით.

ავეჯი

ავეჯი ფუტურისტულ სტილში არის თანამედროვე, ფუნქციონალური და ძალიან პრაქტიკული. მსგავს ავეჯს უმეტესად აკეთებენ შეკვეთით, თუმცა თუ არ გვაქვს იმის შესაძლებლობა რომ დაამზადებინოთ, მაშინ ვარჩევთ ბაზარზე არსებულიდან შესაფერისს- რომელიც უნდა იყოს მინიმალისტური და ტრანსფორმირებადი.

მისაღებში ვდგავთ მხოლოდ აუცილებელ ავეჯს – დივანს , სავარძელს, მაგიდას და კარადას.

განათება

კარგი და მრავალდონიანი განათება დიდ როლს ასრულებს ფუტურუსტული ინტერიერის გაფორმებაში. განათებას იყენებენ ყველგან – კარადებში, ნიშებში, კედლებზე.

დეკორი ფუტურისტულ ინტერიერში

აქ დეკორად შეიძლება ჩაითვალოს ბოლო თაობის ტექნიკა , ზედმეტი გაფორმება ფუტურისტულ სტილს არუყვარს. გამონაკლისია ნახატები ფუტურისტულ და კუბისტურ სტილში.